Паводле вайсковага ведамства Ўкраіны абмен палоннымі адбыўся ў адпаведнасьці з дамоўленасьцямі, дасягнутымі ў Стамбуле. Ва Ўкраіну вярнуліся вайскоўцы ва ўзросьце да 25 гадоў, а таксама тыя, якія атрымалі раненьні і маюць праблемы са здароўем.
Пераважная большасьць вызваленых сёньня ўкраінскіх вайскоўцаў трапілі ў палон у 2022 годзе. Значная частка зь іх была ўзятая ў палон падчас абароны Марыюпалю.
З палону таксама былі вызваленыя байцы Нацыянальнай гвардыі, якія ахоўвалі Чарнобыльскую АЭС.
Паведамляецца, што былі абмененыя роўныя колькасьці вайскоўцаў Украіны і Расеі, колькі дакладна, не паведамляецца.
Міністэрства абароны РФ інфармуе, што абмененыя расейскія вайскоўцы зараз знаходзяцца ў Беларусі, дзе ім аказваецца неабходная псыхалягічная і мэдычная дапамога.
Беларусаў у ліку перададзеных Украінай расейскіх вайскоўцаў не было
ГЛЯДЗІЦЕ ТАКСАМА: КДБ: Беларусь удзельнічала ў 38 абменах паміж Расеяй і Ўкраінай