«Я разбуру гэты рэжым», — заявіў былы палітвязень Сяргей Ціханоўскі на мітынгу беларусаў Варшавы ўвечары 26 чэрвеня.
Пра гэта паведамляе інфармацыйнае агенцтва «Позірк».
Ціханоўскі выказаў суайчыньнікам падзяку за сваё вызваленьне, аднак зазначыў, што ня бачыць у іх столькі аптымізму і веры, як у 2020 годзе.
Ціханоўскі паведаміў аб намеры зладзіць паездкі па Польшчы, Нямеччыне, ЗША, іншых краінах для сустрэч з беларусамі. Ён таксама зьбіраецца «аб’яднаць СМІ і блогераў».
На мітынг у цэнтар польскай сталіцы Ціханоўскі прыйшоў са сваёй жонкай Сьвятланай Ціханоўскай, якая таксама выступіла перад прысутнымі.
Яе намесьнік у Абʼяднаным пераходным кабінэце, кіраўнік Народнага антыкрызіснага ўпраўленьня (НАУ) Павал Латушка параўнаў Ціханоўскага са зьнішчальнікам F-35.
ГЛЯДЗІЦЕ ТАКСАМА: Чаго чакаць ад другога прышэсьця Ціханоўскага?