Паводле яго слоў, сярод загінулых былі зьняволеныя і члены сем’яў, якія прыйшлі іх наведаць, адміністрацыйны пэрсанал, прызыўнікі, а таксама жыхары суседніх дамоў. Джахангір дадаў, што яшчэ некалькі чалавек пацярпелі.
23 чэрвеня Авіяцыя Арміі абароны Ізраілю нанесла ўдары па сталіцы Ірана. Ізраільскія СМІ тады паведамілі, што авіяцыя нанесла «сымбалічны ўдар» па варотах турмы Эвін. Яна вядомая як турма, дзе трымаюць палітвязьняў, журналістаў, актывістаў і замежнікаў, якая вельмі моцна ахоўваецца.
Кіраўнік Мінабароны Ізраіля Ісраэль Кац заявіў, што мэтамі нападаў сталі «абʼекты рэжыму і ўрадавыя рэпрэсіўныя органы ў самым сэрцы» іранскай сталіцы.
Як адзначае Reuters, у турме Эвін утрымліваецца шэраг замежных грамадзян, у тым ліку двое грамадзян Францыі. Міністар замежных спраў Францыі Жан-Ноэль Баро пасьля нападу напісаў у сацсетцы X, што ўдар па турме падвергнуў небясьпецы францускіх грамадзян. «Гэта непрымальна», — дадаў ён.
- 13 чэрвеня адбылося рэзкае абвастрэньне канфлікту паміж дзьвюма дзяржавамі. Ізраіль пачаў наносіць удары па ядзерных і ваенных абʼектах у Іране, у выніку чаго былі забіты члены ваеннага кіраўніцтва. Мэтай апэрацыі Ізраіль назваў пазбаўленьне Ірана магчымасьці стварыць ядзерную зброю. Іран у адказ наносіў ракетныя ўдары па Ізраілі.
Форум